महासमुंद, राज्य शासन कोति ले प्रदेश के युवा मन ल स्व-रोजगार स्थापित करे बर मुख्यमंत्री युवा स्वरोजगार योजना के तहत जिला म साल 2019-20 बर आवेदन आमंत्रित ए गे हे। ए योजना के अन्तर्गत् युवा मन ल उद्योग, सेवा अउ व्यवसाय बर वित्तीय संस्था मन के माध्यम ले 25 लाख रूपिया, 10 लाख रूपिया अउ दू लाख रूपिया तक के ऋण देवाए जात हे। जिला व्यापार अउ उद्योग केन्द्र के महाप्रबंधक श्री संजय गजघाटे ह बताइस कि स्व-रोजगार स्थापित करे बर इच्छुक युवा मन ल कक्षा आठवी उत्तीर्ण होना चाही अउ जिंकर आयु 18 ले 35 साल के बीच म होवय, आवेदक छत्तीसगढ़ के मूल निवासी होवय, ऊंखर कुटुंब के वार्षिक आय तीन लाख रूपिया ले जादा झन होवय, कोनो बैंक के ऋण चूक कर्ता झन होवय, भारत अउ राज्य शासन के योजना के तहत पहिली म अनुदान के लाभ झन लेहे होवय। अइसन इच्छुक आवेदक कार्यालय, जिला व्यापार अउ उद्योग केन्द्र, जुन्ना तहसील परिसर महासमुन्द म निःशुल्क निरधारित प्रपत्र म आवेदन पत्र प्राप्त कर 28 जून 2019 तक कार्यालयीन समय म जमा कर सकत हें। ए संबंध म जादा जानकारी बर कार्यालय के दूरभाष नंबर 07723-223115 म या कार्यालय म खुदे उपस्थित होके जानकारी प्राप्त कर सकत हें।
महासमुंद : मुख्यमंत्री युवा स्वरोजगार योजना : स्वरोजगार स्थापित करे बर आवेदन 28 जून तक आमंत्रित
