महिला अउ बाल विकास मंत्री श्रीमती भेड़िया ह लगवाइन कोरोना वैक्सीन

रायपुर. 22 मार्च 2021। महिला अउ बाल विकास अउ समाज कल्याण मंत्री श्रीमती अनिला भेड़िया ह रइपुर के मेडिकल काॅलेज स्थित वैक्सिनशन सेन्टर म कोरोना के वैक्सीन लगवाइन। मेडिकल काॅलेज म डाॅ. सुनील अउ वैक्सिनशनद ल कोति ले श्रीमती भेड़िया ल कोविड -19 वैक्सीन कोविशील्ड के पहिली खेप लगाए गइस। वैक्सीन लगाए के पीछू श्रीमती अनिला भेड़िया ह थिर रिहिन अउ उनमन ल कोनो किसम के परेशानी नइ होइस। एला देखत डाॅक्टर मन ह ओला निगरानी के पीछू घर जावन दीन। श्रीमती भेड़िया ल वैक्सीन के दूसरइया खेप 28 दिन बाद लगाए जाही।
ये बेरा म श्रीमती अनिला भेड़िया ह कहीन कि सियान अउ गंभीर बीमारी ले ग्रसित लोगन मन ल जिन्कर इम्युनिटी कमजोर हावय उन्मन ल कोरोना संक्रमण के खतरा जादा होथे। एला देखत सरकार कोति ले प्राथमिकता के क्रम म निशुल्क टीका लगाए जावत हे। लोगन मन बिना कोनो डर के कोरोना टीका लगवाना चाही।
उन्मन ल लोगन ले अपील करीन कि कोरोना के संक्रमण ह लहुट के आगे हे अउ तेजी ले बाढ़त जावत हे तेकर पाय के कोविड-19 के दिशा -निर्देश मन के पालन जम्मो लोगन ल कड़ई ले पालन करैं, मास्क लगावैं, हाथ धोवत रहय, भीड़भाड़ वाले जगा म दैहिक दूरी के पालन करैं। सबो के सहयोग ले ही हम कोरोना ल हरो पाबोन।