रायपुर, मुख्यमत्री श्री भूपेश बघेल ले अखिल भारतीय तैलिक साहू महासभा के प्रतिनिधि मंडल ह सौजन्य मुलाकात करिस अऊ भक्त माता कर्मा के जयंती म छत्तीसगढ़ राज्य म सामान्य अवकाश घोषित करे बर आभार जताइन।
अखिल भारतीय तैलिक साहू महासभा नई दिल्ली के राष्ट्रीय अध्यक्ष अउ पूर्व मंत्री महाराष्ट्र सरकार श्री जयदत्ता क्षीरसागर ह मुख्यमंत्री श्री बघेल ल साहू समाज के आराध्य देवी भक्त माता कर्मा के जयंती म छत्तीसगढ़ म राजकीय अवकाश घोषित करे म आभार जतात बधाई अऊ शुभकामना दीन। महासभा ह प्रेषित पत्र म कहे हे कि मुख्यमंत्री श्री बघेल के घोषणा ले देश भर म रहइया साहू समाज के 14 करोड़ मनखे हर्षित अऊ गौरवान्वित हे अऊ एखर से समाज के बहु प्रतीक्षित मांग पूरा हो गए हे।
आप मन जानतेच होहू के हाले म मुख्यमंत्री श्री बघेल ह मां कर्मा के जयंती, हरेली तिहार, हरितालिका तीज, छठ पूजा अऊ विश्व आदिवासी दिवस म छत्तीसगढ़ म सामान्य अवकाश घोषित करे हें।
