मां ह कहे रहिस- बेटी ल पढ़ाबे, ओखर ख्याल रखबे…

रायपुर, कैंसर ले लड़त एक मां ह आखरी दिन म पति ले कहे रहिस कुंती ल पढ़ाबे, ओखर ख्याल रखबे। अपन बेटी ल पढ़ाए के मां के आखरी इच्छा पूरा होवत हे अऊ पिता अपन बेटी ल पढ़ावत हे। पिता के ये कोसिस म शासन के घलोक पूरा संग मिले हे। शहीद महेंद्र कर्मा तेंदूपत्ता सामाजिक सुरक्षा बीमा योजना के अंतर्गत परिवार ल दू लाख रूपिया मिलिस अऊ ये पइसा ह कठिन समय म परिवार ल सहारा दीस। योजना ले मिले कुछ पइसा कुंती के पिता नोहरु ह ओखर पढ़ाई बर बचा के रखे हे अऊ कुछ पइसा ले उधार चुकाए हे।
मुख्यमंत्री श्री भूपेश बघेल के काली बकावंड म भेंट-मुलाकात के समय नोहरु पटेल ह तेंदूपत्ता संग्रहक मन बर चलाए जात ये योजना बर धन्यवाद दीस। दरअसल राजनगर के रहइया नोहरू पटेल के पत्नी के एक साल पहिली स्तन कैंसर ले मृत्यु हो गए रहिस। नोहरु के पत्नी ह मरे ले पहिली ओखर से कहे रहिन कि वो अपन बेटी कुंती के ख्याल रखय अऊ ओला पढ़ावय।