धमतरी। महाशिवरात्रि के दिन राजिम माघी पुन्नी मेला म हजारों के संख्या म पहुंचे श्रद्धालु मन के संग कुलेश्वर महादेव मंदिर म दर्शन बर खड़े गर्भवती महिला ल अचानक प्रसव पीड़ा होगे. चले म असमर्थ महिला के तुरंत महिला पुलिसकर्मी ह सहकर्मी के संग सुरक्षा घेरा बनाके सुरक्षित प्रसव कराइस. महिला पुलिसकर्मी के ये त्वरित कार्रवाई के सर्वत्र प्रशंसा होवत हे।
ग्राम चंद्रसुर चौकी करेली बड़ी जिला धमतरी ले आये गर्भवती महिला ईश्वरी निषाद ल अचानक तेज प्रसव पीड़ा होय व चले-फिरे म असमर्थ होय म धमतरी जिला के सूबेदार रेवती वर्मा ह ड्यूटी म लगे महिला कर्मचारी मन के संग मिलके स्टॉपर, कपड़ा व अन्य साधन मन के तत्काल व्यवस्था करिस. ऐखर अलावा यातायात कर्मचारी मन के संग वहीं जगह चारों तरफ ले घेरा बनाके कमरा के रूप देके उपलब्ध संसाधन ले महिला के सफलता पूर्वक प्रसव कराइस. महिला ल स्वस्थ पुत्र के प्राप्ति होइस. ऐखर बाद महिला अउ ओखर नवजात लइका ल चेकअप अउ आवश्यक उपचार बर नवापारा अस्पताल भेज दे गए हे.
