मुंगेली 30 जनवरी 2024। भारतीय स्टेट बैंक ग्रामीण स्वरोजगार प्रशिक्षण संस्थान कोनी सेन्दरी बिलासपुर म 10 दिवसीय मुर्गी पालन प्रशिक्षण के आयोजन करे गीस। ए बेरा म नेशनल एकेडमी आफ रूडसेटी के छत्तीसगढ़ राज्य के असिस्टेंट कंट्रोलर अरुण कुमार सोनी के निर्देशन म मूल्यांकन अधिकारी श्री शरनम सिंह ठाकुर अउ सुश्री शालिनी वर्मा कोति ले प्रशिक्षणार्थी मन के मूल्यांकन करे गीस। मूल्यांकन प्रक्रिया के तहत लिखित मौखिक अऊ प्रायोगिक परीक्षा लेहे गीस। जेमां जिला ले प्रोजक्ट उन्नति के अंतर्गत 24 प्रशिक्षणार्थी मन ह हिस्सा लीन।
समापन समारोह म अग्रणी प्रबंधक ह प्रशिक्षणार्थि मन ल बधाई देवत ऊंखर बनाय पीपीटी के प्रदर्शन के सराहना करिन अउ योजना मन के लाभ अउ शिशु लोन के विसय म वृहद जानकारी देहे गीस। उमन मनरेगा शेड निर्माण बर आवेदन करे ल कहिन ताकि शेड निर्माण के लाभ मिल सकय। उमन कहिन कि शासन-प्रशासन के योजना मन के पूर्णतया लाभ लेहे के प्रयास करना चाही। प्रशिक्षण संस्थान के निदेशक श्री दिनेश कुमार चैधरी ह जम्मो प्रशिक्षणार्थि मन ल बधाई देवत ऊंखर उज्जवल भविष्य के कामना करिन अउ निरंतर प्रयत्नशील बने रहन के सलाह दीन।
मुंगेली: दस दिन के मुर्गी पालन प्रशिक्षण के होइस आयोजन
