मुंगेली म सोशल डिस्टेंसिंग के पालन नई होवत ये,मंडरावत हे खतरा।
मुंगेली/ 4 जुन 20/
छत्तीसगढ़ ह कोरोना वायरस ले जुझत हे,आज तक 600 ले उपर केस बढ़ गे हे। जेमे कोरोना संक्रमण के कारण 2 मनखे के मौत घलो हो गे हे। मुंगेली जिला ह छत्तीसगढ़ म टॉप म चलत हे। सरकार ह कई ठन प्रयास करत हावयं की मनखे बन घर में रहय, जरूरी होय तभो निकलय, मास्क हमेसा लगावय, भीड़ म झन जावै, सोशल डिस्टेंसिंग के पालन करय कइके। लेकिन रायपुर रोड सब्जी हाट बाजार म मनखे के मड़ई मेला शहिं भीड़ जमा होवत हे। अइसन म संक्रमण के खतरा आम पब्लिक ल झेलना पढ़हिच। जिला प्रशासन ल अब अउ कड़ा रुख अपनाके कार्यवाही शुरू करके जागरूक करे के जरूरत हवय। मंडी म साग भाजी लेके बेचैया मन गांव गांव बेचे जाथे त एमन कोरोना वाहक बनहिं त सब्बो तरफ संक्रमण के खतरा मंडरवत हे।
