1 नगरपंचायत के कर्मचारी 3 स्थानीय….
जहरीली गैस के रिसाव ले होइस घटना…
मृतक के शव ल जेसीबी से बाहर निकाले के कोशिश जारी….
सरगांव थाना के मर्राकोना गांव के घटना…!
मुंगेली //23 जून20//
पथरिया ब्लाक के ग्राम पंचायत मर्राकोना में दिल दहलाय वाले घटना सामने आय हे। बताय जावत हे कि एक सेफ्टी टैंक में गिर जाय से 4 लोगन के मौत हो गे हे। फिलहाल नगर पंचायत कर्मचारी सेप्टिक टैंक ल जेसीबी से तोड़ के चारों ल निकाले के कोशिश करत् हें। जेसीबी के खुदाई देखे उत्सुकता वश सेप्टिक टैंक में एक-एक कर चार लोग के गिर जाना हैरानी नई पैदा करय। पता चले हे कि येही रहैया कौशिक परिवार में विहाव के कार्यक्रम रहिस, जेमें शामिल होय बड़ी संख्या में मेहमान आय रहिंन। ओही मौजूद एक सेफ्टी टैंक ल साफ करे के लिये पंचायत में आवेदन दिये गे रहिस । मंगलवार के सफाई कर्मचारि ह आकर सेफ्टी टैंक के सफाई करिस , अउ ओहा लोगन ल हिदायत दीये रहिस कि सेप्टिक टैंक ले गैस के रिसाव होवत हे कोनो भी उखर पास न जाय, लेकिन उत्सुकता वश वहां पहले एक व्यक्ति पहुंचीस जो गैस के चपेट में आके टंकी में गिर गिस।ओला देखे दूसर पहुंचीस अउ ओहा गिर गिस। दूनों ल गिरत देख तीसर ह घलो टंकी में झांके के कोशिश करिस अउ उहू भी गैस के चपेट में आके चक्कर खाकर टंकी में ही गिर गिस । तीनों ल बचाय एक सफाई कर्मचारी घलो अंदर कूदिस, लेकिन बाहर नई आ पाइस ।
टंकी के अंदर गिरने वाला म 40 वर्षीय अखिलेश्वर कौशिक ,28 वर्षीय गौरीशंकर कौशिक अउ 45 वर्षीय रामखेलावन कौशिक हवय। ये सबो ग्राम मर्रा कोना के ही रहइया हवय। एति सूचना मिले म एसडीएम बृजेश सिंह, नायब तहसीलदार दिलीप खांडे अउ थाना प्रभारी संजीव ठाकुर मौका म पहुंच गे हे, जेखर द्वारा जेसीबी के मदद ले टंकी ल तोड़के सबो ल बाहर निकाले के कोशिश करे जावत हे।
