मुख्यमंत्री करा छत्तीसगढ़ के भारतीय थल सेना म नवनियुक्त लेफ्टिनेंट अधिकारी मन ह करिस सौजन्य भेंट

रायपुर 27 जून 2023
मुख्यमंत्री श्री भूपेश बघेल करा आज इहां ओकर निवास कार्यालय म छत्तीसगढ़ के भारतीय थल सेना म नवनियुक्त लेफ्टिनेंट अधिकारी मन ह सौजन्य भेंट करिस। उल्लेखनीय हे कि ए बछर छत्तीसगढ़ के बालोद के श्री चिन्मय ठाकुर, कांकेर के श्री धनंजय साहू, सक्ति के श्री सौरभ कपूर, रायपुर के श्री कुशाग्र गर्ग अउ भिलाई ले श्री प्रिंस बत्रा के चार बछर के प्रशिक्षण सफलतापूर्वक संपन्न होए म भारतीय थल सेना म लेफ्टिनेंट पद म नियुक्त करे गईस हे। नवनियुक्त अधिकारी मन ह मुख्यमंत्री ल बताइस कि विगत 10 जून के आईएमए देहरादून म पासिंग आउट परेड सम्पन्न होइस। जुलाई महीना म उमन ह कार्यभार ग्रहण करही। मुख्यमंत्री ह नवनीयुक्त लेफ्टिनेंट अधिकारी मन ल बधाई देत हुए उमन के पदेन दायित्व के कुशलतापूर्वक निर्वहन ब शुभकामना दिस। ओ ह कहिस कि छत्तीसगढ़ ले भारतीय थल सेना म आप मन के चयन राज्य के युवा अउ देश सेवा ब आघू के पीढ़ी ल प्रेरित करही। ए अवसर पूर्व सैनिक श्री ननकू राम साहू, श्री भूपेंद्र ठाकुर, श्री नवीन गर्ग, श्री राज कपूर समेत नवनियुक्त अधिकारी के अभिभावकगण मन उपस्थित रहिन हे।
Neha Rathore