धान खरीदी व्यवस्था मंत्रिमंडलीय उपसमिति के बईठक संपन्न
धान खरीदी ब बारदाना समेत जम्मो आवश्यक व्यवस्था सुनिश्चित करे के अधिकारी मन ल निर्देश
सहकारी समिति ल मजबूत करे म दिहिस बल
रायपुर, 18 जुलाई 2023
मुख्यमंत्री श्री भूपेश बघेल के घोषणा के अनुरूप छत्तीसगढ़ म पंजीकृत किसान मन ले आगामी खरीफ विपणन वर्ष 2023-2024 म 20 क्विंटल प्रति एकड़ के मान ले धान के खरीदी करे जाही। खाद्य मंत्री श्री अमरजीत के अध्यक्षता म आज विधानसभा स्थित सभाकक्ष म धान खरीदी अउ कस्टम मिलिंग के नीति के समीक्षा कर सुझाव देहे ब गठित मंत्रिमंडलीय उप समिति के बईठक होइस। गौरतलब हे कि राज्य सरकार कती ले आगामी खरीफ विपणन वर्ष 2023-24 म प्रदेश के पंजीकृत किसान मन ले 125 लाख मीट्रिक टन धान बिसाये के अनुमानित लक्ष्य रखे गय हे।
मंत्रिमंडलीय उपसमिति के बईठक म आगामी खरीफ विपणन वर्ष 2023-24 म समर्थन मूल्य म धान अउ मक्का उपार्जन, कृषक पंजीयन, बारदाना अउ वित्तीय व्यवस्था संबंधी नीति के निर्धारण के संबंध म विस्तार ले चरचा करे गईस। मंत्रिमंडलीय उपसमिति के सदस्य म कृषि उत्पादन मंत्री श्री ताम्रध्वज साहू अउ वन मंत्री श्री मोहम्मद अकबर बईठक म संघरिस। बईठक म वीडियों कॉन्फ्रेंसिंग के माध्यम ले सहकारिता मंत्री श्री रवीन्द्र चौबे घलो जुडिस।
बईठक म अधिकारी मन ह चरचा के बेरा बताइस के राज्य म ए खरीफ सीजन म धान के क्षेत्राच्छादन 33.61 लाख हेक्टेयर अनुमानित हे। मुख्यमंत्री श्री भूपेश बघेल कती ले विपणन वर्ष 2023-24 म घोषणा के अनुरूप किसान मन ले प्रति एकड़ 20 क्विंटल धान खरीदी करे जाही। अनुमानित धान खरीदी ब सहकारी समिति म धान खरीदी व्यवस्था ल सुदृढ़ करे ब जम्मो जरूरी तियारी करे जाथ हे। एमा किसान मन के पंजीयन ल लेके बारदाना के व्यवस्था, खरीदी केन्द्र म किसान मन ब आवश्यक सुविधा, भुगतान के व्यवस्था आदि के संधारण काम करे जाथ हे।
मंत्रिमंडलीय उपसमिति के बईठक म खाद्य विभाग के सचिव श्री टोपेश्वर वर्मा, कृषि उत्पादन आयुक्त डॉ. कमलप्रीत सिंह, सहकारिता विभाग के सचिव श्री हिमशिखर गुप्ता, गोधन न्याय योजना के नोडल अधिकारी डॉ. अय्याज भाई तंबोली, चिप्स के मुख्य कार्यपालन अधिकारी श्री रितेश अग्रवाल, खाद्य विभाग के विशेष सचिव श्री एम. सोनी, फुड एवं सिविल सप्लाई कॉर्पोरेशन के संचालक श्री जितेन्द्र शुक्ला, कृषि विभाग के संचालक श्रीमती रानू साहू, अपेक्स बैंक के प्रबंध संचालक श्री के. एन. कान्डे समेत संबंधित विभाग के वरिष्ठ अधिकारी उपस्थित रहिस हे।
Neha Rathore
मुख्यमंत्री के घोषणा के अनुरूप राज्य के किसान मन ले बिसाये जाहि प्रति एकड़ 20 क्विंटल धान
