मुख्यमंत्री के घोषणा म तुरतेताही अमल
सरगुजा के धौरपुर म आज ले शुरू होही एसडीएम कार्यालय
मुख्यमंत्री ह 11 मई के लुंड्रा विधानसभा के सहनपुर म आयोजित भेंट-मुलाकात कार्यक्रम म करे रिहिस घोषणा
रइपुर 12 जुलाई 2022
मुख्यमंत्री श्री भूपेश बघेल के घोषणा ऊपर तुरतेताही अमल करत सरगुजा जिला के धौरपुर म आज अनुविभागीय अधिकारी राजस्व कार्यालय के शुभारंभ के तियारी पूरा होगे। मुख्यमंत्री दाऊ भूपेश बघेल ह लुंड्रा विधानसभा क्षेत्र के सहनपुर म 11 मई के आयोजित भेंट मुलाकात कार्यक्रम के बेरा क्षेत्रवासी मन के मांग म धौरपुर म एसडीएम कार्यालय खोले के घोषणा करे रिहिस। कलेक्टर सरगुजा श्री कुन्दन कुमार जानकारी दीस कि अनुविभागीय कार्यालय राजस्व धौरपुर के शुभारंभ कार्यक्रम छत्तीसगढ़ शासन के पंचायत एवं ग्रामीण विकास मंत्री श्री टीएस सिंहदेव के माई पहुनई म होही। ये बेरा म सीजीएमएससी के अध्यक्ष अउ लुण्ड्रा विधायक डॉ प्रीतम राम, जिला पंचायत सरगुजा अध्यक्ष श्रीमती मधु सिंह, जिला सहकारी केन्द्रीय बैंक के अध्यक्ष श्री रामदेव राम, जनपद अध्यक्ष श्री गंगा प्रसाद, उपाध्यक्ष श्री वीरभद्र सिंह, सरपंच सुश्री सुगोत्री मरावी संघरे रिहिन। धौरपुर म एसडीएम कार्यालय खुले ले अब राजस्व अउ आने बूता बर लुण्ड्रा -धौरपुर क्षेत्र के लोगन मन ल 40 किलोमीटर दूरिहा अम्बिकापुर आए बर नइ परय।
