मुख्यमंत्री के संवेदनशील पहल ले सड़क दुर्घटना म घायल छात्रा नाहिद खान ल मिलीस नवा जीवन

सड़क दुर्घटना म नाहिद खान ह माता-पिता सहित
अपन एक पांव गंवागे
समाचार पत्र ले मिले जानकारी म मुख्यमंत्री ह कराए रहिन इलाज
नाहिद खान जनचौपाल म मुख्यमंत्री ले मिलके आभार व्यक्त करिस
मुख्यमंत्री ह नाहिद खान के कृत्रिम पैर लगए बर अधिकारी मन ल दीन निर्देश
रायपुर, मुख्यमंत्री श्री भूपेश बघेल के संवेदनशील पहल ले राजनांदगांव के नाहिद खान ल नवा जीवन मिले हे। आप मन जानते होहू कि बीते 27 मई के दिन एक सड़क दुर्घटना म छात्रा नाहिद खान न केवल एक पैर गंवागे भलुक ये घटना ह ओखर सिर ले ओखर माता-पिता के साया घलोक छीन लीस। ये सड़क दुर्घटना म राजनांदगांव निवासी श्री शरीफ खान अऊ श्रीमती नूरी खान के मौका म ही दुखद मृत्यु हो गए रहिस। उन्हें उंखर बेटी नाहिद खान जोर्डरहा जख्मी हो गए रहिस अऊ ओखर एक पांव कट गीस। नाहिद खान बर ओखर संगवारी मन चंदा बरारी करत रहिन। जब ये खबर समाचार पत्र के माध्यम ले मुख्यमंत्री श्री भूपेश बघेल ल मिलीस तो उमन तुरंते छात्रा नाहिद खान के इलाज बर निर्देश दीन अऊ नाहिद खान के इलाज संजीवनी सहायता कोष ले राजधानी रायपुर के एक निजी अस्पताल म कराए गीस। मुख्यमंत्री के ये पहल ले नाहिद खान ल एक नवा जीवन मिले हे।
साईंस कॉलेज राजनांदगांव म बीएससी फस्ट इयर म अध्ययनरत छात्रा नाहिद खान आज इहां मुख्यमंत्री निवास म आयोजित जनचौपाल म पहुंच के मुख्यमंत्री श्री भूपेश बघेल ले मुलाकात करिन अऊ ऊंखर प्रति आभार प्रकट करिन। मुख्यमंत्री ह बड़ आत्मीयता ले छात्रा नाहिद खान ले ओखर हालचाल पूछिस अऊ ओखर एक कृत्रिम पैर लगवाए बर अधिकारी मन ल निर्देशित करिन। अधिकारी मन ह बताइस कि ये मां करीब 5 लाख रूपिया खर्च आही। मुख्यमंत्री ह तुरंत राशि के स्वीकृति प्रदान कर दीन।