विशेष कैंप लगाके संभावित लक्षण के मरीज मन के करे जात हे चिन्हारी
रायपुर, 25 सितमबर 2024। स्वास्थ्य जीवन के पूंजी हे। इही भरोसा के संग छत्तीसगढ़ के विष्णुदेव सरकार सबो नागरिक मन ल बेहतर स्वास्थ्य सुविधा उपलब्ध कराए बर बाना उंचाए हे। विष्णु के सुशासन ले छत्तीसगढ स्वस्थ होवत हे। स्वास्थ्य सेवा मन म सुधार बर मुख्यमंत्री के निर्देश म स्वास्थ्य विभाग ह प्रदेशभर म सिकल सेल एनीमिया उन्मूलन बर विशेष अभियान चलावत हे।
मुख्यमंत्री श्री विष्णुदेव साय ह कहे हें के हम सबके सामूहिक जिम्मेदारी हे के छत्तीसगढ़ ले सिकल सेल बीमारी ल विदा करना हे अऊ एखर बर हम सब मिलके प्रयास करबो। ए अभियान के उद्देश्य राज्य ल सिकल सेल जइसे बिमारी ले मुक्त कराना अऊ मनखे मन के एखर प्रति जागरूकता बढ़ाना हे।
