मुख्यमंत्री के हाथ बस्तर के ग्राम पंचायत बबूसेमरा के श्रीमती जुनी नाग अऊ श्रीमती डोमीनी ल मिलीस पक्का मकान

रायपुर, 05 मार्च 2024। मुख्यमंत्री श्री विष्णु देव साय ह चित्रकोट महोत्सव कार्यक्रम म जिला के प्रधानमंत्री आवास योजना ग्रामीण के तहत हितग्राही मन ल ऊंखर घर के चाबी ओ मन ल सौंपीन। अब ओ मन ल कच्चा मकान म रहे के जरूरत नइ परय। विकासखंड जगदलपुर अंतर्गत ग्राम पंचायत बाबूसेमरा म निवासरत श्रीमती जुनी नाग पति श्री सुकरू अऊ श्रीमती डोमीनी पति श्री सोमारू दुनों के परिवार पहिली छोटे-छोटे कच्चा घर म रहत रहिन। घर जर्जर स्थिति म रहिस अऊ वहां रहना मुश्किल रहिस। ए दुनों हितग्राही मन के नाम एसईसीसी 2011 के स्थाई प्रतीक्षा सूची म सम्मिलित रहिस। प्रधानमंत्री आवास योजना ग्रामीण के तहत ए मन ल घर के स्वीकृति दे गीस। घर बनाए बर ओ मन ल प्रधानमंत्री आवास योजना ग्रामीण ले स्वीकृत 1 लाख 30 हजार के राशि चार किस्त म सीधा डीबीटी के माध्यम ले खाता म हस्तांतरित करे गीस, संगे मनरेगा ले 95 दिवस के मजदूरी भुगतान घलोक प्रदाय करे गीस। अभी हाल म दुनों हितग्राही घर निर्माण पूरा करके पक्का घर म परिवार संग निवास करत हें।