रइपुर, 06 जून 2021 इतवार।
मुख्यमंत्री दाउ भूपेश बघेल ह आज अपन घरू कार्यालय म ‘मुख्यमंत्री वृक्षारोपण प्रोत्साहन योजना’ के शुभारंभ अवसर म ‘बटरफ्लाई ट्रेजर ऑफ छत्तीसगढ़‘ पुस्तक के विमोचन करीन। उन मन एकर प्रकाशन म बधई अउ शुभकामना दीन।
‘बटरफ्लाई ट्रेजर ऑफ छत्तीसगढ़‘ पुस्तक म छत्तीसगढ़ म पवइया तितली मन के 170 ठिन प्रजाति के वर्णन हे। पुस्तक के लेखिका मुख्य वन संरक्षक श्रीमती संजीता गुप्ता ले पीछू 10 बछर ले तितली मन के अध्ययन करे जावत हे। मुख्य वन संरक्षक श्रीमती गुप्ता के बताती छत्तीसगढ़ राज्य म पवइया तितली मन के प्रजाति उपर ये ह पहिली किताब हरे। ये पुस्तक म तितली मन के संरचना, जीवन चक्र, भोजन, बेवहार अउ महत्व के बारे म फरिहा के जानकारी देहे गे हवय।
ये बेरा म वन अउ जलवायु परिवर्तन मंत्री श्री मोहम्मद अकबर, मुख्यमंत्री के दूनो सलाहकार श्री राजेश तिवारी अउ श्री विनोद वर्मा, मुख्यमंत्री के अपर मुख्य सचिव श्री सुब्रत साहू, प्रमुख सचिव वन श्री मनोज कुमार पिंगुआ, प्रधान मुख्य वन संरक्षक अउ वन बल प्रमुख श्री राकेश चतुर्वेदी, अपर प्रधान मुख्य वन संरक्षक श्री के. मुरूगन संघरे रिहिन।
