मुख्यमंत्री ह पूजा-अर्चना करके प्रदेश के सुख, समृद्धि अऊ खुशहाली के कामना करिन
रायपुर, मुख्यमंत्री श्री भूपेश बघेल ह आज गणेश चतुर्थी के अवसर अपन रायपुर स्थित निवास म भगवान श्री गणेश बईठारिन। उमन भगवान के पूजा-अर्चना करके प्रदेशवास मन के सुख, समृद्धि अऊ खुशहाली के कामना करिन। जानबा हे कि मुख्यमंत्री आज हिमाचल प्रदेश के दौरे म रहिन। उहां ले रतिहा ओ मन रायपुर लहुटिन। एखर पहिली आज संझा मुख्यमंत्री श्री बघेल के धर्मपत्नी श्रीमती मुक्तेश्वरी बघेल अऊ मुख्यमंत्री के परिजन मन ह विधि विधान के संग मुख्यमंत्री निवास म भगवान गणेश के प्रतिमा के स्थापना करिन।
