रायपुर, 21 जनवरी 2024। मुख्यमंत्री श्री विष्णुदेव साय ले आज इहां राज्य अतिथि गृह पहुना म छत्तीसगढ़ वेटरन क्रिकेट एसोसिएशन के प्रतिनिधिमंडल ह सौजन्य मुलाकात करिन। मुख्यमंत्री श्री साय ल प्रतिनिधिमंडल ह बताइस कि बोर्ड फ़ॉर वेटरन क्रिकेट ए इंडिया (बीवीसीआई) कोति ले अवइया 22 फरवरी ले 3 मार्च तक देहरादून म इंडियन वेटरन प्रीमियर लीग के आयोजन करे जाही। ए आयोजन म कुल 6 टीम भाग लेंही, जेमां पहली पइत छत्तीसगढ़ के टीम घलोक सहभागी बनही। छत्तीसगढ़ के टीम म कई अंतरराष्ट्रीय खिलाड़ी घलोक सामिल रइहीं। मुख्यमंत्री ह छत्तीसगढ़ के वेटरन क्रिकेट टीम के इंडियन वेटरन प्रीमियर लीग म सामिल होए म बधाई अउ शुभकामना दीन।
मुख्यमंत्री ले छत्तीसगढ़ वेटरन क्रिकेट एसोसिएशन के प्रतिनिधिमंडल ह करिस सौजन्य मुलाकात
