रायपुर, मुख्यमंत्री श्री भूपेश बघेल ले इहां ऊंखर निवास कार्यालय म छत्तीसगढ़ गृह निर्माण मण्डल के सदस्य श्री विनोद तिवारी ह सौजन्य मुलाकात करिन। श्री तिवारी ह छत्तीसगढ़ के संस्कृति के संरक्षण अऊ संवर्धन बर मुख्यमंत्री श्री बघेल कोति ले करे जात प्रयास मन बर उंखर आभार जतात ओ मन ल छत्तीसगढ़ महतारी के एलईडी पोट्रेट भेंट करिन।
मुख्यमंत्री ले ये बेरा म श्री तिवारी ह कहिन कि आज छत्तीसगढ़ के जन-जन म छत्तीसगढ़िया स्वाभिमान जागे हे। प्रदेश के सबो कार्यालय मन म छत्तीसगढ़ महतारी के छायाचित्र अनिवार्य करे गए हे। छत्तीसगढ़ के सबो प्रमुख तीज-तिहार म अवकाश देहे जात हे। हमार प्रदेश के गेड़ी, भौंरा, पिट्ठुल जइसे पारम्परिक खेल मन ल छत्तीसगढ़िया ओलम्पिक के आयोजन ले एक नवा गरिमा मिले हे। मुख्यमंत्री श्री बघेल के सियानी म नवा छत्तीसगढ़ गढ़े के उदीम रंग लात हे। अपन माटी ले जुड़े पहिचान के प्रति आज पूरा छत्तीसगढ़ सजग हे। मुख्यमंत्री ह आकर्षक एलईडी पोट्रेट भेंट करे म श्री विनोद तिवारी ल धन्यवाद दीन। ये बेरा म श्री बिज्जू बंजारे, श्री अपराजित तिवारी, श्री विकास तिवारी संग आन मनखे उपस्थित रहिन।
मुख्यमंत्री ल श्री विनोद तिवारी ह छत्तीसगढ़ महतारी के एलईडी पोट्रेट करिन भेंट
