मुख्यमंत्री श्री बघेल ह ऊंखर उज्जवल सुनहरे भविष्य के कामना करत दीन अपन बधाई अउ शुभकामनाएं
मुंगेली 24 जून 2020// मुख्यमंत्री श्री भूपेश बघेल फोन ले 12वीं बोर्ड के टाॅप-10 मे पहली स्थान प्राप्त करइया मुंगेली जिला के छात्र श्री टिकेश वैष्णव अउ ऊंखर दाई श्रीमति शकुनतला देवी अउ ददा श्री शिव कुमार वैष्णव ले बात करिन ।
मुख्यमंत्री श्री बघेल ह 12वीं बोर्ड के टाॅप-10 म पहली स्थान प्राप्त करे ल श्री टिकेश वैष्णव ल ऊंखर उज्जवल अउ सुनहरे भविष्य के कामना करते हुए उन्हे अपनी बधाई ,शुभकामनाएं दीन । मुख्यमंत्री श्री बघेल ह श्री टिकेश वैष्णव ले ऊंखर पारिवारिक पृष्ठ भूमि , आगे की पढ़ाई के संबंध मे जानकारी प्राप्त करिन। छात्र श्री टिकेश वैष्णव ह कहीन कि आगे इंजीनियरिंग के पढ़ाई करना चाहत हें। जेखर लिए मुख्यमंत्री श्री बघेल ह छात्र श्री टिकेश वैष्णव ल पक्का इरादा के साथ लगन अउ कड़ी मेहनत के साथ अध्ययन करने करे के समझाईश दीन। 
मुख्यमंत्री श्री बघेल ह ऊंखर ददा श्री शिव कुमार वैष्णव ले कुशलक्षेम के बारे मे जानकारी प्राप्त करिन। अउ कहिन् कि ऊंखर बेटा श्री टिकेश वैष्णव ह कक्षा 12 वीं की टाॅप-10 मे प्रथम स्थान प्राप्त करके प्रदेश के साथ-साथ मुंगेली जिला ल भी गौरान्वित करे हावयं। टिकेश के ददा श्री शिव कुमार वैष्णव ल भी बधाई व शुभकामनाएं दिन। ये अवसर म मुख्यमंत्री श्री बघेल ह श्री शिव कुमार वैष्णव ले ऊंखर खेती किसानी, कार्य, आदि के बारे मे भी जानकारी प्राप्त करिन।
