मुख्यमंत्री श्री बघेल ह ‘माटी के मितान’ पुस्तक के करिन विमोचन

रायपुर, मुख्यमंत्री श्री भूपेश बघेल ह अपन निवास कार्यालय म जैन संवेदना ट्रस्ट, रायपुर कोति ले प्रकाशित पुस्तक ‘माटी के मितान’ के विमोचन करिन। एखर लेखक श्री महेन्द्र कोचर अऊ श्री विजय चोपड़ा हे। मुख्यमंत्री ह राज्य सरकार कोति ले जनहित म संचालित योजना मन ल समाहित करत ये पुस्तक के प्रकाशन म दुनों लेखक मन ल बधाई अउ शुभकामना दीन।
मुख्यमंत्री श्री बघेल ह ये बेरा म कहिन कि राज्य सरकार छत्तीसगढ़ म सबो वर्ग के उत्थान बर सरलग काम करत हे। ये मां किसान, मजदूर, व्यापारी अऊ आदिवासी अऊ कमजोर वर्ग संग सबो मनखे मन ल आगू बढ़े के भरपूर अवसर मिले लगे हे। ये बेरा म लेखक द्वय मन ह कहिन कि आज छत्तीसगढ़िया स्वाभिमान के संग स्वालंबन के छत्तीसगढ़ मॉडल देश अऊ दुनिया म चर्चा के केन्द्र म हे। मुख्यमंत्री श्री बघेल ह जनहित म क्रांतिकारी कदम उठात महात्मा गांधी के अवधारणा ग्राम अऊ ग्रामीण केन्द्रित अर्थव्यवस्था ल मूर्त रूप देहे खातिर जेन कदम उठाइन वो साकार होए लगे हे। इही कड़ी म सुराजी गांव घलोक आकार लेवत हे अऊ गांव-गांव म स्थापित गौठान, ग्रामीण अर्थव्यवस्था के जीवंत केन्द्र के रूप म उभरत हे। ए पाए के अब गढ़बो नवा छत्तीसगढ़ के सपना साकार होए लगे हे।
ये बेरा म राज्य खनिज विकास निगम के अध्यक्ष श्री गिरीश देवांगन, खाद्य अउर नागरिक आपूर्ति निगम के अध्यक्ष श्री रामगोपाल अग्रवाल अऊ डॉ. राकेश गुप्ता अऊ सर्वश्री गजराज पगारिया, सुपारस गोलछा, सुरेश भंसाली, हरख मालू, राजीव गुप्ता, हिरेन्द्र डागा, हरीश डागा संग आन मनखे उपस्थित रहिन।