मुख्यमंत्री श्री भूपेश बघेल ह करिस छत्तीसगढ़ के सबले पहिली सीवरेज ट्रीटमेंट प्लांट के लोकार्पण

जगदलपुर, मुख्यमंत्री श्री भूपेश बघेल ह आज बस्तर संभाग के मुख्यालय जगदलपुर के तीर बालीकोंटा म करीबन 54 करोड़ रुपिया के लागत ले बने प्रदेश के पहिली सीवरेज ट्रीटमेंट प्लांट के लोकार्पण विधिवत पूजा कर करिन। ये बेरा म उमन इंद्रावती नदी के आरती अऊ पूजा-अर्चना करके प्रदेश के खुशहाली अऊ समृद्धि के कामना करिन। मुख्यमंत्री ह नदी अऊ आन जलस्त्रोत मन के स्वच्छता ल बहुत जरूरी बतात प्रदेश के सबले पहिली सीवरेज ट्रीटमेंट प्लांट के निर्माण बर बस्तर जिला प्रशासन अऊ महापौर श्रीमती सफीरा साहू के नेतृत्व म जगदलपुर नगर निगम कोति ले करे गए काम मन के सराहना करिन। मुख्यमंत्री ह ये बेरा म सीवरेज ट्रीटमेंट प्लांट के अवलोकन करके तकनीकी जानकारी घलोक लीन।