रायपुर, मुख्यमंत्री श्री भूपेश बघेल के मोहला पहुचे ले हैलीपैड म अपन मुखिया के स्वागत म मनखे मन नारा लगात फूल माला अऊ फुल के गुच्छा भेंट करके उंखर स्वागत करिन। मुख्यमंत्री ह घलोक हाथ जोड़के मनखे मन ल जोहार करिन। मनखे मन आदिवासी अंचल ल जिला बनाए म जनता ह मुख्यमंत्री ल धन्यवाद दीन।
मुख्यमंत्री श्री भूपेश बघेल नवा जिला के उद्घाटन के पहिली करिन छुरिया माता के दर्शन अऊ मंदिर म पूजा अर्चना करके नवा जिला के विकास, समृद्धि अऊ खुशहाली बर कामना करिन। ये बेरा म मुख्यमंत्री श्री भूपेश बघेल ह मोहला बस स्टैंड म स्थित स्वर्गीय लालश्याम शाह जी महाराज के मूर्ति उपर माल्यार्पण करके ओ मन ल नमन करिन।
ए बेरा म नवा जिला के सौगात म जिला के जनता म जबरदस्त उत्साह देखे ल मिलिस।नवा जिला “मोहला मानपुर अम्बागढ़ चौंकी” के सौगात म प्रसन्नता जाहिर करत जिला के जनता ह मुख्यमंत्री श्री भूपेश बघेल ल लाड़ू ले तौलिन। उंखर सुवागत म एक किलोमीटर ले जादा लंबा रोड़ शो म जगा जगा छत्तीसगढ़ के परंपरा अऊ लोक संस्कृति के झलक दिखत रहिस।
