रायपुर, मुख्यमंत्री आज अपन भेंट मुलाकात कार्यक्रम म ग्राम पुरैना-खपरी के हेलीपैड पहुंचिन उहां स्थानीय जनप्रतिनिधि अउ अधिकारी मन ह मुख्यमंत्री के स्वागत करिन।
मुख्यमंत्री श्री भूपेश बघेल आज अपन बलौदाबाजार प्रवास के समय गांव वाले मन ले भेंट मुलाकात करिन अऊ शासन के योजना मन के जमीनी हकीकत जाने बलौदाबाजार विधानसभा के ग्राम पुरैना-खपरी पहुँचे रहिन।
हेलीपैड म कसडोल संसदीय सचिव अउर विधायक सुश्री शकुन्तला साहू, संसदीय सचिव अउर विधायक बिलाईगढ़ श्री चंद्रदेव प्रसाद राय, छत्तीसगढ़ राज्य पाठ्य पुस्तक निगम के अध्यक्ष श्री शैलेष नितिन चतुर्वेदी संग बहुत अकन जनप्रतिनिधियों, अधिकारी मन अउर आमजन ह फुल के गुच्छा, गुलदस्ता भेंटकरके उंखर आत्मीय स्वागत करिन।
हैलीपेड म मुख्यमंत्री ल देखे गांव वाले मन म भारी उत्साह रहिस ओ मन मुख्यमंत्री ल अपन बीच पाके अड़बड़ खुश नजर आइन। मुख्यमंत्री ल देखे हेलीपैड म ग्रामीण, लइका, युवा, अऊ बुजुर्ग बड़ी संख्या म पहुचे रहिन। मुख्यमंत्री श्री बघेल ह जनता के स्वागत स्वीकार करत सबो के अभिवादन करिन।
मुख्यमंत्री श्री भूपेश बघेल भेंट-मुलाकात बर बलौदाबाजार विधानसभा के ग्राम पुरैना-खपरी हेलीपैड पहुंचिन
