मुख्यमंत्री श्री भूपेश बघेल ह प्रतिभावान विद्यार्थी मन के करिस सम्मान

समर कैंप म सीखे कला के लईका मन ह दिस प्रस्तुति, मुख्यमंत्री ह करिस सराहना
मुख्यमंत्री ह लईका मन के मांग म ओमन के संग लिस सेल्फी
रायपुर, मुख्यमंत्री श्री भूपेश बघेल ह आज अपन केशकाल विकासखंड के बेड़मा प्रवास के दौरान 10वीं अउ 12वीं के बोर्ड परीक्षा म कोंडागांव जिला ले उत्कृष्ट प्रदर्शन करे वाले प्रतिभावान छात्र-छात्रा मन के सम्मान करत हुए जेईई मेन्स म उत्कृष्ट प्रदर्शन करे वाले 05 विद्यार्थि मन के घलो सम्मान करिस। विद्यार्थि मन के कलात्मक प्रतिभा के विकास ब प्रशासन कती ले आयोजित समर कैम्प म 9 विधा म विद्यार्थि मन ह अपन प्रतिभा के परचम लहरइस हे। समर कैंप म सीखे गए कला के प्रदर्शन लईका मन ह कार्यक्रम म बनाए गए एक स्टॉल म करिस, जेकर मुख्यमंत्री ह सराहना घलो करिस। समर कैम्प म पेंसिल स्केच ले मुख्यमन्त्री के चित्र उकेरे वाले आत्मानंद स्कूल केशकाल के कक्षा नवमी के छात्र आदीदेव सोनवानी अउ बेड़मा निवासी मनीष पांडेय ह मुख्यमंत्री ल चित्र भेंट करिस । लईका मन के मांग म मुख्यमंत्री ह ओमन के संग सेल्फी घलो लिस।
     सत्र 2023 के बोर्ड परीक्षा म कक्षा 10वीं म जिला के टॉप 6 विद्यार्थि जेकर प्राप्तांक 90 प्रतिशत ले अधिक हे, इसने सत्र 2023 के बोर्ड परीक्षा म कक्षा 12वीं म जआ के टॉप 5 विद्यार्थि जेन मन प्राप्तांक 90 प्रतिशत ले अधिक हे। कार्यक्रम म मुख्यमंत्री ह ए विद्यार्थि मन के संग जिला म 33 हाई – हायर सेकेण्डरी स्कूल मन ल, जिहां परीक्षा परिणाम शत-प्रतिशत रहिस, स्कूल
मन ल सम्मानित करिस हे।