मुख्यमंत्री श्री भूपेश बघेल ह नागर विमानन मंत्री भारत सरकार श्री ज्योतिरादित्य एम. सिंधिया ल लिखिस पत्र

बिलासपुर नगर ल उड़ान -5 योजना म जोडे़ ब शीघ्र कार्यवाही करे के करिस अनुरोध
केंद्र द्वारा उड़ान-5 योजना म बिलासपुर ल नई जोड़े के जानकारी मिले म लिखिस पत्र
बिलासपुर एयरपोर्ट म नियमित हवाई सेवा आरंभ करे के उद्देश्य ले टर्मिनल भवन, रनवे विस्तार, सुरक्षा उपकरण के व्यवस्था म राज्य के बजट ले व्यय करे गइस 45 करोड़ रुपिया
रायपुर, मुख्यमंत्री श्री भूपेश बघेल ह नागर विमानन मंत्री भारत सरकार श्री ज्योतिरादित्य एम. सिंधिया ल पत्र लिख के ओकर से छत्तीसगढ़ के बिलासपुर नगर ल उड़ान -5 योजना म जोडे़ ह शीघ्र कार्यवाही करे के अनुरोध करे हे। ताकि अंचल के लोग मन ल देश के अन्य भाग म आए-जाए के सुविधा मिले अउ क्षेत्र ल आर्थिक विकास म सहायता मिल सके।
मुख्यमंत्री ह पत्र म लिखे हे कि ए जानकारी मिलिस कि केन्द्रीय विमानन मंत्रालय ब बिलासपुर नगर ल उड़ान -5 योजना म शामिल नई करे हे। बिलासपुर अंचल के लोग मन म केंद्र सरकार के ए निर्णय ले निराशा अउ रोष व्याप्त हे। श्री बघेल ह पत्र म उल्लेख करे हे कि बिलासपुर राज्य के दूसर महत्वपूर्ण नगर हे। राज्य के उच्च न्यायालय बिलासपुर म स्थित होए के सेती घलो इहां नियमित हवाई सेवा के सुविधा उपलब्ध कराय जाना अति आवश्यक हे।
मुख्यमंत्री ह पत्र म ए घलो लिखीस के राज्य सरकार द्वारा डी.जी.सी.ए. अउ केन्द्रीय विमानन मंत्रालय के परामर्श ले बिलासपुर एयरपोर्ट म नियमित हवाई सेवा आरंभ करे के उद्देश्य ले टर्मिनल भवन, रनवे विस्तार, सुरक्षा उपकरण के व्यवस्था इत्यादि व्यवस्था सुनिश्चित करे ब राज्य के बजट ले 45 करोड़ रुपिया व्यय करे जा चुके हे।
राज्य सरकार के अथक प्रयास ले बिलासपुर ल देश के एयर लिंक ले जोडे़ गइस अउ उंहा ले जबलपुर, नई दिल्ली, प्रयागराज, इन्दौर इत्यादि ब हवाई सेवा प्रारम्भ करे गय रहीस हे। बिलासपुर आए अउ जाए वाले जम्मों विमान म यात्री के संख्या उत्साहवर्धक रहिस फेर अज्ञात कारण ले बाद म इन्दौर के विमान सेवा बन्द कर दीए गईस।
मुख्यमंत्री श्री बघेल ह नागर विमानन मंत्री श्री सिंधिया ले पत्र म अनुरोध करे हे कि छत्तीसगढ़ के बिलासपुर नगर ल उड़ान -5 योजना म जोडे़ ब जलदी ले जलदी कार्यवाही करे जेकर से अंचल के लोग मन ल देश के अन्य भाग म आए-जाए के सुविधा मिले अउ क्षेत्र के आर्थिक विकास म सहायता मिल सके।