मुख्य सचिव ल दिस निर्देश
समाज कल्याण विभाग एक महिना म नशा मुक्ति जन-जागरण अभियान के विस्तृत कार्ययोजना करे प्रस्तुत
अभियान ब नशा मुक्ति के क्षेत्र म काम करत ख्यातिनाम मनखे अउ संस्था ले करे जाही परामर्श
एन.जी.ओ., सामाजिक, सांस्कृतिक अउ धार्मिक संस्था मन के लिये जाही सक्रिय सहयोग
विद्यार्थी मन मे जन जागरूकता ब शैक्षणिक संस्था म आयोजित करे जाही सेमीनार
रायपुर, मुख्यमंत्री श्री भूपेश बघेल ह छत्तीसगढ़ म नसा के दुष्प्रभाव ले समाज ल बचाए न व्यापक जन-जागरण अभियान आरंभ करे के निर्देश मुख्य सचिव ल दिस हे। ओ ह कहिस कि नशा मुक्ति जन-जागरण अभियान ले विस्तृत कार्य योजना तईयार करे ब देश म नशा मुक्ति ब काम करत ख्यातिनाम मनखे अउ संस्था ले आवश्यक रूप से परामर्श करे जाही। समाज कल्याण विभाग एक महीना म नशा मुक्ति जन-जागरण अभियान के विस्तृत कार्य योजना प्रस्तुत करे। ओ ह कहिस हे कि ए अभियान म शासकीय प्रयास के संग म एन.जी.ओ., सामाजिक, सांस्कृतिक अउ धार्मिक संस्था कमके सक्रिय सहयोग लिये जाही।
मुख्यमंत्री ह मुख्य सचिव ल जारी निर्देश म कहिस हे कि नशा एक अइसे गंभीर सामाजिक बुराई हे, जेकर से मनुष्य के अनमोल जीवन गंभीर बीमारि ले ग्रस्त होवत जाथ हे अउ ओ ह अकाल मृत्यु के घलो शिकार बन जाथे। नसा ब लोगन मन ह गांजा, भांग, जर्दा गुड़ाखू, तंबाकू, शराब, गुटका, धूम्रपान, चरस, अफीम, स्मैक, कोकीन अउ ब्राउन शुगर जईसे मादक पदार्थ के सेवन करत हे। छत्तीसगढ़ पुलिस एमा सरलग कार्यवाही करत हे अउ छत्तीसगढ़ सरकार ह घलो ऐला रोके के प्रयास करत हे, फेर जब तक ले हमन ए अभियान ल जनमानस न के नई जोड़बो अउ जन-जन तक नई पहुंचाबो, तब तक ए अभियान सफल नई हो पाये। युवा पीढ़ी म नसा के प्रवृत्ति तेजी ले बाढ़ना अत्यधिक चिंताजनक विषय ह3।
समाज ल नसा के दुष्प्रभाव ले बचाए, युवा पीढ़ी ल बर्बादी ले बचाए अउ ओमन के संपूर्ण ऊर्जा ल राष्ट्र निर्माण म उपयोग करे ब आवश्यक हे कि नशा मुक्ति ब बड़का जन-जागरण अभियान सुरू करे जाये। उच्चतर माध्यमिक शाला, महाविद्यालय अउ विश्वविद्यालय के छात्र मन मे जागरूकता ब सेमीनार आयोजन करे जाही। शासकीय प्रयास के संग ही एन.जी.ओ. सामाजिक, सांस्कृतिक अउ धार्मिक संस्था के सक्रिय सहयोग प्राप्त करे जाही।
मुख्यमंत्री ह निर्देश दिए हे कि समाज कल्याण विभाग एक महीना म नशा मुक्ति अभियान के विस्तृत कार्ययोजना तईयार कर प्रस्तुत करे।
मुख्यमंत्री श्री भूपेश बघेल ह छत्तीसगढ़ म नशा मुक्ति ब व्यापक जन-जागरण अभियान आरंभ करे के दिस निर्देश
