मुख्यमंत्री ह खिलाडी मन ल बाटिस खेल सामग्री
16 ठ पारंपरिक खेल मुकाबला के संग 6 चरण म होही प्रतियोगिता
रायपुर, 17 जुलाई 2023
मुख्यमंत्री श्री भूपेश बघेल ह आज रायपुर के ग्राम पंचायत नवागांव म हरेली परब के अवसर म छत्तीसगढ़िया ओलंपिक के सुभारंभ करिस। मुख्यमंत्री ह गेड़ी दऊड़ ल हरियर झंडी देखा के छत्तीसगढ़िया ओलंपिक के सुरूआत करिस। ए बेरा म मुख्यमंत्री ह खिलाडी मन ल खेल सामग्री के घलो वितरण करिस.
गौर करे लईक बात हे कि छत्तीसगढ़िया ओलंपिक के आयोजन के ये ह दूसर बछर ए अउ एकर लोकप्रियता ल देखत हुए पहीली घ रस्सी कूद अउ कुश्ती जईसे खेल घलो जोडे गईस हे। ए दारी छत्तीसगढ़िया ओलंपिक म 16 पारंपरिक मुकाबला के संग 6 चरण म संपन्न होही।
छत्तीसगढ़िया ओलंपिक म तीन अलग-अलग आयु वर्ग म 30 लाख ले जादा महिला अउ पुरूष प्रतिभागी हिस्सा लेही अउ अपन प्रतिभा ले प्रदर्शन करही।
Neha Rathore
