मुख्यमंत्री श्री विष्णु देव साय ह राष्ट्रपिता महात्मा गांधी के पुण्यतिथि म ओ मन ल करिन नमन

रायपुर, 30 जनवरी 2024। मुख्यमंत्री श्री विष्णु देव साय ह आज इहां राज्य अतिथि गृह पहुना म राष्ट्रपिता स्वर्गीय महात्मा गांधी के पुण्यतिथि म ऊंखर छायाचित्र म पुष्प अर्पित करके ओ मन ल नमन करिन। ए अवसर म तखतपुर विधायक श्री धरमजीत सिंह घलोक उपस्थित रहिन।
मुख्यमंत्री श्री साय ह महात्मा गांधी संग देश के अमर शहीद मन ल श्रद्धांजलि अर्पित करत कहिन कि देश म प्राण न्यौछावर करइया वीर बलिदानि मन के ऋण कभू नइ चुकाए जा सके। भारत के आजादी बर महात्मा गांधी के अतुल्य योगदान ल सुरता करत मुख्यमंत्री ह कहिन कि गांधी जी ह पूरा दुनिया ल देखाइस कि सत्य अऊ अहिंसा के मार्ग म डटे रहके कतकोन बड़का लक्ष्य हासिल करे जात हे। उमन कहिन कि गांधी जी के विचार आज घलोक विश्व बर न सिरिफ उपयोगी हे, बल्कि ऊंखर विचार अऊ दर्शन म बहुत अकन समस् मनओं के समाधान घलोक लुकाय हे। ओही के प्रेरणा ले नवा अऊ आत्मनिर्भर भारत के निर्माण होवत हे। हम सबो गांधी जी के बताए सत्य अऊ अहिंसा के मार्ग म चले के प्रण लेवव अऊ राष्ट्र के विकास म योगदान देवव। इही गांधी जी के प्रति सच्ची श्रद्धांजलि होही।