छत्तीसगढ़ म कोरोना के इलाज के व्यवस्था के देश भर म नही विदेश म घलोक होवत हे सराहना
रायपुर, 5 मार्च 2020। मुख्यमंत्री श्री भूपेश बघेल ह आज अपन निवास कार्यालय ले राज्य म कोरोना ले संक्रमित पहली युवती ले वीडियो कांफ्रेंसिंग म बातचीत करके ओखर हालचाल जानिन। युवती ह बताइस के वो अब पूरा स्वस्थ्य हे। घर म गाईड लाईन के मुताबिक क्वरेंटाईन के पालन करत हे। युवती ह मुख्यमंत्री ले कहिस के इहां मेडिकल टीम अऊ राज्य शासन ले भरपूर सहयोग मिले हे। एखर से ओखर अऊ वोखर परिवार के हौसला बाढ़े हे। युवती ह मुख्यमंत्री ल बताइस के वोखर तीन संगवारी कोरोना ले पीडित रहिस, फेर वो सबले पहिली ठीक हो गीस।
तीन संगवारी म एक चंडीगढ़ अऊ एक बंगाल म एडमिट होए रहिस। वो बताइस के छत्तीसगढ़ म दस म ले सात कोरोना संक्रमित मरीज ठीक हो गे हे। ठीक होवइया मरीज मन के प्रतिशत 70 हे। राज्य म कोराना मरीज मन के देखभाल बेहतर ढंग ले होवत हे। एखर से देश ही नहीं पूरा विश्व म छत्तीसगढ़ के नाम रोशन होवत हे।
युवती ह कहिस के मुख्यमंत्री ले सरलग मिले सहयोग ले पूरा परिवार के हिम्मत बाढ़े दहे। एखर बर युवती ह ऊंखर प्रति आभार घलोक जताइन। युवती ह कहिस के आपसे बातचीत करके मोरो हौसला बाढ़ गे। मुख्यमंत्री श्री बघेल ह बातचीत के समय उम्मीद जताईन के कोरोना ले संक्रमित तीन मरीज घलोक जल्दी ठीक होके अपन घर लहुटहीं।
