रायपुर, मुख्यमंत्री श्री विष्णु देव साय ह छत्तीसगढ़ के प्रसिद्ध जनकवि अऊ गीतकार स्वर्गीय श्री लक्ष्मण मस्तुरिया के 03 नवंबर के पुण्यतिथि म ओ मन ल विनम्र श्रद्धांजलि अर्पित करे हें। मुख्यमंत्री ह ओ मन ल सुरता करत कहिन के श्री मस्तुरिया के गीत मन म छत्तीसगढ़ के माटी के सौंधी महक अऊ इहां के लोक-जीवन के झलक दिखथे। छत्तीसगढ़ के सहज-सरल लोक जीवन ऊंखर गीत मन म रचे-बसे हे। उमन अपन सु-मधुर अऊ दिलकश अवाज के बदौलत छत्तीसगढ़ के हर वर्ग के दिल म जगा बनाय हें। उमन कई छत्तीसगढ़ी फिल्म मन बर लोकप्रिय गीत मन के रचना करिन। उंखर गीत ‘मोर संग चलव रे-मोर संग चलव जी’ काफी लोकप्रिय होइस। श्री साय ह कहिन कि छत्तीसगढ़ के कला जगत म मस्तुरिया जी के योगदान हमेशा याद करे जाही।
मुख्यमंत्री ह गीतकार श्री लक्ष्मण मस्तुरिया के पुण्यतिथि म ओ मन ल करिन सुरता
