मुख्यमंत्री ह छत्तीसगढ़ के जनकवि अऊ गीतकार श्री लक्ष्मण मस्तुरिया के पुण्यतिथि म ओ मन ल करिस नमन

रायपुर, मुख्यमंत्री श्री भूपेश बघेल ह आज इहां अपन निवास कार्यालय म छत्तीसगढ़ के प्रसिद्ध जनकवि अऊ गीतकार स्वर्गीय श्री लक्ष्मण मस्तुरिया के पुण्यतिथि म ऊंखर फोटू म फुल चढ़ा के ओ मन ल नमन करिन। मुख्यमंत्री ह श्री मस्तुरिया ल सुरता करत कहिन कि श्री मस्तुरिया ह अपन गीत अऊ सुमधुर अवाज ले छत्तीसगढ़ के हर वर्ग के हिरदे म जगा बनाइन। ऊंखर गीत मन म छत्त्तीसगढ़ के माटी के सौंधी महक अऊ इहां के लोक-जीवन के झलक रहत रहिस। उमन कई छत्तीसगढ़ी फिल्म बर लोकप्रिय गीत मन के रचना करे के संग ‘लोकसुर’ नाम के मासिक पत्रिका के घलोक सम्पादन अऊ प्रकाशन करिन। कला जगत म ऊंखर ये योगदान ल हमेशा याद करे जाही। उंखर छत्तीसगढ़ के संस्कृति ल जीवंत बनाए अऊ उंखर कला साधना ले नवोदित कलाकार मन ल प्रेरित करे बर राज्य सरकार ह राज्य अलंकरण श्रेणी म लोकगीत के क्षेत्र म “लक्ष्मण मस्तुरिया पुरस्कार” देहे के घोषणा करे हे।