मुख्यमंत्री ह दुगली म स्व. राजीव गांधी के आदमकद प्रतिमा के करिस अनावरण

  • 1985 म राजीव गांधी आए रहिन धमतरी के ग्राम दुगली
  • राजीव ग्राम दुगली म ग्राम-सुराज अऊ वनाधिकार मड़ई के आयोजन
  • मुख्यमंत्री श्री बघेल ह 134 करोड़ के विकास कार्य के दीन सौगात

रायपुर, मुख्यमंत्री श्री भूपेश बघेल पूर्व प्रधानमंत्री स्वर्गीय राजीव गांधी के जयंती म आज धमतरी जिला के ग्राम दुगली (विकासखण्ड-नगरी) म आयोजित ग्राम सुराज अऊ वनाधिकार मड़ई म सामिल होइन। मुख्यमंत्री श्री बघेल ये बेरा म पूर्व प्रधानमंत्री श्री राजीव गांधी के 75 वां जयंती के अवसर म दुगली म स्थापित उंखर आदम कद प्रतिमा के अनावरण करिन। हम आप ल बता देवन के 14 जुलाई 1985 के दिन देश के पहिली प्रधानमंत्री श्री राजीव गांधी के दुगली आगमन होय रहिस, तबले ए गांव ल राजीव ग्राम के नाम ले घलोक जाने जाथे। कार्यक्रम म राज्यसभा सांसद श्री पी एल पुनिया, पंचायत विभाग के मंत्री श्री टी.एस. सिंहदेव, उद्योग मंत्री अऊ जिला के प्रभारी मंत्री श्री लखमा कवासी, वन मंत्री श्री मोहम्मद अकबर, राजस्व मंत्री श्री जय सिंह अग्रवाल, विधायक श्री मोहन मरकाम, मध्य क्षेत्र आदिवासी विकास प्राधिकरण के अध्यक्ष डॉ.लक्ष्मी ध्रुव, विधायक श्रीमती रंजना दीपेंद्र साहू, जिला पंचायत अध्यक्ष श्री रघुनंदन साहू संग अपर मुख्य सचिव श्री आर. पी. मंडल, प्रधान मुख्य वन संरक्षक श्री राकेश चतुर्वेदी,कलेक्टर श्री रजत बंसल उपस्थित रहिन।

मुख्यमंत्री श्री भूपेश बघेल ह ये बेरा म कहिन कि पूर्व प्रधानमंत्री भारत रत्न स्वर्गीय श्री राजीव गांधी के 75 वां जयंती के अवसर म हम सब ओ मन ल नमन करत हन। समावेशी विकास के दूरदर्शिता, पंचायती राज, संचार क्रांति अऊ युवा मन ल मतदान के अधिकार जइसे योगदान आज 21 वीं सदी म आकार लेके देश ल राजीव जी के सुरता देवाथे। मुख्यमंत्री ह ये बेरा म कुपोषण दूर करे बर लईका जतन ठउर, त्रिफला प्रसंकरण केंद्र , मां अंगारमोती गौठान अऊ तीरंदाजी प्रशिक्षण केन्द्र के लोकार्पण करिन। उमन ये बेरा म 134 करोड़ रूपिया के 121 कई ठन विकास काम मन के लाकार्पण अऊ भूमिपूजन तको करिन।

लउछरहा..