मुख्यमंत्री ह पुलिस अधीक्षक कार्यालय राजनांदगांव म पुलिस जन संवाद केन्द्र भवन के करिन उद्घाटन

रायपुर, मुख्यमंत्री श्री भूपेश बघेल ह प्रदेशव्यापी भेंट-मुलाकात अभियान के बेरा म आज पुलिस अधीक्षक कार्यालय राजनांदगांव म पुलिस जन संवाद कक्ष के उद्घाटन करिन। पुलिस जन संवाद कक्ष के निर्माण होए ले आम जनता ले जुड़े कई ठन विषय मन उपर बैठक इहां आयोजित करे जा सकही।
जानबा हे कि पुलिस अधीक्षक कार्यालय राजनांदगांव परिसर म पुलिस जन संवाद केन्द्र भवन के निर्माण करे गए हे। जेमां महत्वपूर्ण परब म या कानून अऊ व्यवस्था के स्थिति निर्मित होए म सबो समाज प्रमुख मन ल आमंत्रित करके प्रशासनिक अधिकारी मन के उपस्थिति म शांति समिति के बैठक अऊ आपराधिक प्रकरण मन म पुलिस ल मिले सफलता के संबंध पत्रकारवार्ता करे जा सकही। ये बेरा म संस्कृति मंत्री श्री अमरजीत भगत, छत्तीसगढ़ राज्य आन पिछड़ा वर्ग क्षेत्र विकास प्राधिकरण के अध्यक्ष अऊ डोंगरगांव विधायक श्री दलेश्वर साहू, पुलिस महानिरीक्षक श्री आनंद छाबड़ा, कलेक्टर श्री डोमन सिंह, पुलिस अधीक्षक श्री प्रफुल्ल ठाकुर घलोक उपस्थित रहिन।