मुख्यमंत्री ह राजिम म लक्ष्मण झूला के करिन लोकार्पण

रायपुर, मुख्यमंत्री श्री भूपेश बघेल ह आज राजिम म नवनिर्मित लक्ष्मणझूला (सस्पेंशन ब्रिज) आम जनता ल समर्पित करिन। त्रिवेणी संगम के तीर बने ये झूला ले राजिम के राजीव लोचन मंदिर ले कुलेश्वर महादेव मंदिर अऊ लोमश ऋषि आश्रम आपस म जुड़ जाही। धार्मिक अऊ आध्यात्मिक नगरी के रूप म प्रसिद्ध राजिम बर लक्ष्मणझूला एक बड़का सौगात ये। मुख्यमंत्री श्री बघेल ह 33.12 करोड़ रूपिया के लागत ले तियार करे गए ये बहुप्रतिक्षित लक्ष्मणझूला ल समर्पित करत अंचल के मनखे मन ल बधाई अऊ शुभकामना दीन। उमन कहिन कि ये झूला ले राजिम पुन्नी मेला ल अऊ भव्यता मिलही। एखर से इहां अवइया पर्यटक अऊ श्रद्धालु मन ल सुविधा मिलही।
ये सस्पेंशन ब्रिज के चौंडाई 3.25 मीटर हे अऊ लंबाई 610 मीटर हे। ये बेरा म धर्मस्व मंत्री श्री ताम्रध्वज साहू, राजिम विधायक श्री अमितेश शुक्ल, अभनपुर विधायक श्री धनेन्द्र साहू संग बहुत अकन जनप्रतिनिधि अऊ वरिष्ठ प्रशासनिक अधिकारी मौजूद रहिन।