मुख्यमंत्री ह समोदा गांव के निवासी मोतीराम चक्रधारी के घर स्वादिष्ट छत्तीसगढी भोजन के लीन आनंद

रायपुर मुख्यमंत्री श्री भूपेश बघेल अपन प्रदेशव्यापी भेंट-मुलाकात अभियान के तहत आज आरंग विधानसभा अंतर्गत ग्राम समोदा पहुंचिन। मुख्यमंत्री ग्राम समोदा म अपन भेंट मुलाकात कार्यक्रम के पहिली मोतीराम चक्रधारी के आतिथ्य म भोजन बर पहुंचिन। मुख्यमंत्री के चक्रधारी के परिवारजन ह घर के मुख्य द्वार म तिलक-आरती करिन अऊ पुष्प-गुच्छ अऊ गमछा भेंटकरके उंखर आत्मीय स्वागत करिन। ये बेरा म मुख्यमंत्री के संग नगरीय प्रशासन अउ विकास अउ श्रम मंत्री श्री शिव डहरिया उपस्थित रहिन।
मुख्यमंत्री ह चक्रधारी परिवार के सदस्य मन कोति ले सादगी के संग परोसे गए स्वादिष्ट छत्तीसगढ़ी भोजन के स्वाद लीन। परिवार ह पूरा आत्मीयता के संग मुख्यमंत्री ल भोजन म चावल, दाल, रोटी के संग लाल भाजी, सेमी, मिक्स सब्जी, मुनगा–आलू-बड़ी के सब्जी, भाटा -बटकर के सब्जी, जिमी कांदा पापड़, सलाद अऊ पताल के चटनी घलोक परोरिन।