रायपुर, मुख्यमंत्री श्री भूपेश बघेल ह हिन्दी दिवस म प्रदेशवासी मन ल बधाई अऊ शुभकामना देहे हें। उमन कहिन कि आजादी के आन्दोलन के समय ले ही हिन्दी ह देश ल एक सूत्र म बांधे म अहम भूमिका निभाए हे। हिन्दी हमर विविधता म एकता ल पुष्ट करथे। हिन्दी सर्व सुलभ अऊ सहज ग्रहणीय भाखा ये। एकर स्वरूप समावेशी हे अऊ ओखर लिपि देवनागरी विश्व के सबले जुन्ना अउ वैज्ञानिक लिपि मन म ले हे, ओखर आखर भंडार एक कोति संस्कृत ले त दुसर कोति आन बहुत अकन देशी-विदेशी भाषा मन के शब्द मन ले समृद्ध होय हे। ये निरंतर प्रवाहमान भाखा ये। हिन्दी के ये गुण ओला मात्र एक भाखा के दरजा ले ऊपर एक संस्कृति होए के सम्मान देलाथे।
मुख्यमंत्री ह हिंदी दिवस म दीन शुभकामना
