रायपुर. 7 मई 2024। मुख्य निर्वाचन पदाधिकारी श्रीमती रीना बाबासाहेब कंगाले ह आज बिहनिया रायपुर के धरमपुरा पूर्व माध्यमिक शाला स्थित मतदान केंद्र म मतदान करिन। उमन अऊ उंखर मां श्रीमती अनिता बाबासाहेब कंगाले ह आम मतदाता मन के जइसे लाइन म लगके मतदान करिन। ओ मन मतदान शुरू होए के 15 मिनट पहिलिच अपन मतदान केंद्र पहुंच गए रहिन।
मुख्य निर्वाचन पदाधिकारी श्रीमती कंगाले ह मतदान केंद्र म मतदाता मन ल उपलब्ध कराए जात सुविधा मन के जायजा घलोक लीन। धरमपुरा पूर्व माध्यमिक शाला परिसर म दू मतदान केंद्र बनाय गए हे। श्रीमती कंगाले ह ए बेरा म मनखे मन ले अपन परिवार के सबो मतदाता मन संग मतदान खच्चित करे के अपील करिन। उमन लोकतंत्र के ए तिहार म मतदाता मन के सक्रिय भागीदारी बर ‘छोड़के सब्बो काम सबले पहिली करव मतदान’ के संदेश दीन।
