ठंडा पानी के संगे संग लू ले बचाए के उदीम
धमेन्द्र निर्मल के सार समाचार, आज काल गरमी मरे जीयो ले भक्कम बाढ़ गे हवय। अहसन म रद्दा रेंगइया मन ल गरमी अउ लू ले बचाए खातिर नगर निगम भेलई डाहर ले बने बढिया बूता करे जावत हे। निगम के जोन क्रमांक चार म अवइया डबरापारा म नगर निगम डाहर ले छइहां बर तालपतरी लगाके पानी के फोहारा (मिस्टिंग शॉवर) के बेवस्था करे जावत हे। ये नानचुक फोहारा ले सरलग पानी के फोहारा निकलही जउन ह रद्दा रेंगइया मन के जी ल जुड़वाही।
नगर निगम डाहर ले जोन क्रमांक 4 कार्यालय के तीर डबरा पारा चैक मेरन यहा तरा भक्कम गर्मी म यात्रा करत अवइया जवइया बटोही मन बर तालपतरी लगा के
गरमी अउ लू ले बचाए बर नानचुक फोहारा लगाए गे हवय। ये फोहारा ले निकलत पानी के नान्हे नान्हे दाना मन के फोहार ह मनखे के देंह ले जुड़वाए के काम करही। इहां थोरिक बेर थिराए बर खुर्सी के बेवस्था घलो करे गे हवय। संगे संग मरकी म पानी तको भर के राखे गे हे जेकर ले उन रद्दा देंगइया मन
के पियास बूझावय।
rticle”
data-ad-client=”ca-pub-3208634751415787″
data-ad-slot=”9030430959″>
चटकारा
नकछेद्दा:- ए फोहारा उहारा के चक्कर ल छोड़ भाई, चल घर के नल म पानी आए हे के नइ आए हे तेला देखबो।
कनछेद्दा:- सही कहे भाई, नइते डब्बा डब्बा डोहारे बर लगही चल…चल….चल
