राजधानी रायपुर बिक्री बर पहुंचीस धमतरी जिला के बांस, गोबर अऊ बीज ले बने राखी

धमतरी, 17 जुलाई 2020। जिला के ग्राम छाती स्थित मल्टी यूटिलिटी सेंटर म बांस, गोबर अऊ बीज ले बने राखी धमतरी जिला के बाद अब रायपुर स्थित बिहान बाजार शॉप म घलोक बिक्री बर रखे गए हे। मुख्य कार्यपालन अधिकारी जिला पंचायत श्रीमती नम्रता गांधी ह बताइस के जिला के बिहान के 20 समूह के 165 महिला मन ये आकर्षक राखी तियार करत हें। उमन बताइन के जिला म अब तक 15 हजार राखी तियार हो गए हे अऊ पांच लाख 26 हजार 840 रूपिया के 7,705 राखी मन के बिक्री घलोक हो गए हे। अब ए राखी मन ल राजधानी रायपुर के बिहान बाजार शॉप मैग्नेटो मॉल अउ बिहान बाजार कैंटीन पहिली तल, इंद्रावती भवन, नवा रायपुर म 16 जुलाई ले बिक्री बर रखे गए हे।