महासमुंद 29 जुलाई 2021 बिरस्पत। फसल उत्पादन ल प्रोत्साहित करे बर कृषि आदान सहायता बर राजीव गांधी किसान नियाव योजना म महासमुन्द निवासी किसान श्री संजय चन्द्राकर अब अपन खेत म धान के बलदा पपीता, अदरक अउ हल्दी लगाए के तियारी करे हावय। एकर बर वोह खेत म नर्सरी तको बन डारे हवय। अब वोह पूरा जोर —शोर ले से पौधा रोपई के तियारी म लगे हवय। उन बताइन कि पचेड़ा म 6 एकड़ कृषि भूमि हे। पीछू बछर खेत म धान के फसल ले रिहिसे। फेर अब वोह धान के बलदा पपीता, अदरक अउ हल्दी के खेती करे के उन मन महीना जून म ही पूरा तियारी कर ले रिहिसे। उन मन कहिन कि एकर ले मेहनत कम अउ आय जादा हे। एकेर सेति ये बूता ल अपनाए हवय।
किसान श्री संजय ह बताइन कि उन मन ल उद्यानिकी विभाग के अधिकारी मन ले
सरलग मार्गदर्शन मिलत रहिथे ।
उन मन किसान मन के हित बर अबड़ अकन योजना मन के संचालित करे म मुख्यमंत्री दाउ भूपेश बघेल के धन्यवाद व्यक्त करीन हे।
