रायपुर, 16 जनवरी 2024। राज्यपाल श्री विश्वभूषण हरिचंदन ह आज रायपुर के वीआईपी रोड स्थित श्री राम मंदिर अउर गायत्री नगर स्थित श्रीजगन्नाथ मंदिर परिसर म झाडू लगाके स्वच्छता के संदेश दीन। उमन राज्य अउ देश के जम्मो नागरिक मन ले आग्रह करिन कि सबो अपन आस-पास के मंदिर ल स्वच्छ रखव।
राज्यपाल श्री हरिचंदन ह कहिन कि प्रधानमंत्री श्री नरेन्द्र मोदी जी के आव्हान म स्वच्छता अभियान चलाए जात हे। अपन आस-पास ल स्वच्छ रखके हम धरती माता के सेवा करत हन। उमन कहिन कि ये अभियान ले हमला मानव सेवा के प्रेरणा मिलथे। एखर पहिली श्री हरिचंदन ह दूनो मंदिर म भगवान श्री राम अऊ श्री जगन्नाथ के दर्शन करके विधिवत पूजा अर्चना करिन अऊ प्रदेश संग देशवासी मन के सुख-समृद्धि के कामना करिन।
ये बेरा म धार्मिक न्यास अउ धर्मस्व मंत्री श्री बृजमोहन अग्रवाल, रायपुर के विधायक श्री पुरंदर मिश्रा, मंदिर समिति के अध्यक्ष अउ पदाधिकारीगण उपस्थित रहिन।
राज्यपाल श्री हरिचंदन ह श्री राम मंदिर अऊ श्री जगन्नाथ मंदिर परिसर म झाडू लगाके दीन स्वच्छता के संदेश
