राज्योत्सव 2019 : राज्योत्सव म मनोरंजन के संग ही मनखे मन ल मिलत हे विभागीय उपलब्धि अऊ योजना मन के जानकारी

रायपुर, छत्तीसगढ़ राज्य निर्माण के 20वां सालगिरह म राजधानी रायपुर के साइंस कालेज मैदान म आयोजित राज्योत्सव म मनखे मन के भारी भीड़ उमड़त हे। राज्योत्सव म पहुंचत मनखे मन ल मनोरंजन के संगेच राज्य सरकार के उपलब्धि अऊ योजना मन के जानकारी घलोक मिलत हे। कई ठन विभाग मन के पंडाल मन म बांटे जात सूची पत्र अऊ एलईडी डिस्प्ले के जरीए सरकार के उपलब्धि अऊ जनकल्याणकारी योजना मन ले मनखे मन रूबरू होवत हे। लोक निर्माण विभाग के स्टॉल म महत्वपूर्ण सड़क, पुल अऊ भवन मन के फोटू प्रदर्शित करे गए हे। एखरे संगेच विभाग कोति ले शासन के ध्येय वाक्य ’’गढ़बो नवा छत्तीसगढ़’’ ल प्रेरक संदेश मानत नवा छत्तीसगढ़ गढ़े बर बहुत अकन निर्माण काम करे जात हे, जेखर से मनखे मन ल अधोसंरचना ले जुड़े सुविधा मिलत हे। लोक निर्माण विभाग के स्टॉल म मनखे मन ल अड़बड़ अकन सूची पत्र बांटे जावत हे।