राज्य म बीते दू बछर म स्वास्थ्य सुविधा होइस पोट्ठ : मेडिकल कॉलेज हॉस्पिटल के संख्या 6 ले बाढ़के 9 होइस

रइपुर, 16 अप्रैल 2021 शुकवार । राज्य म बीते दू बछर म स्वास्थ्य सुविधा ल जनोन्मुखी बनाए के दिशा म छत्तीसगढ़ सरकार कोति ले कारगर प्रयास करे गे हवय। एकर चलत राज्य के स्वास्थ्यगत अधोसंरचना म बढ़ोतरी होए के स्ंग स्वास्थ्य अमला म तको वृद्धि होय हे । बीते दू बछर म राज्य म मेडिकल कॉलेज अस्पताल मन के संख्या 6 ले बाढ़के 9, जिला चिकित्सालय मन के संख्या 26 ले बाढ़के 28 अउ सिविल अस्पताल के संख्या 19 ले बाढ़के 20 हो गे हवय । बीते दू बछर म 50 बिस्तर वाले 15 अउ 100 बिस्तर वाले 6 एमसीएच अस्पताल स्थापित करे गे हवय। ये अवधि म 6 ठिन नवा उप स्वास्थ्य केन्द्र अउ एक ठो सामुदायिक स्वास्थ्य केन्द्र तको स्थापित करे गे हवय।
मेडिकल स्टाफ के संख्या 18,458 ले बाढ़के 20,405 होगे हे, वर्तमान म 300 चिकित्सा अधिकारी, 92 स्टाफ नर्स, 50 मेडिकल लैब टेक्नॉलाजिस्ट अउ 146 ग्रामीण स्वास्थ्य संयोजक (महिला) मन के भर्ती प्रक्रियाधीन हे।
राज्य के नागरिक मन ल निःशुल्क स्वास्थ्य सुविधा उपलब्ध कराए बर आयुष्मान योजना के संगे-संग मुख्यमंत्री स्वास्थ्य बीमा योजना, संजीवनी सहायता कोष, मुख्यमंत्री बाल हृदय सुरक्षा योजना, मुख्यमंत्री बाल श्रवण योजना अउ चिरायु योजना संचालित करे जावत हे। ये सबो योंजना मन ल छत्तीसगढ़ शासन कोति ले संचालित डॉ. खूबचंद बघेल स्वास्थ्य योजना, आयुष्मान योजना अउ मुख्यमंत्री विशेष स्वास्थ्य योजना में समाहित करे गे हवय । राज्य म दिसम्बर 2018 के स्थिति म आयुष्मान कार्डधारी मन के संख्या मात्र 2,23,793 रिहिस हे, जउन आज के स्थिति म बाढ़के एक करोड़ 13 लाख 57 हजार 441 हो गे हवय । राज्य म शासकीय अउ मान्यता प्राप्त चिकित्सालय मन के संख्या बीते दू बछर म 1088 ले बाढ़के 1359 हो गे हवय, जिहां नागरिक मन ल आयुष्मान कार्ड नइ तो राशन कार्ड के सहारा पात्रता अनुसार निःशुल्क स्वास्थ्य सुविधा उपलब्ध कराए जावत हवय ।