रायगढ़ निगम के धन्वंतरी दवई दुकान बेचरि म प्रदेश हे अव्वल

रायगढ़ म धन्वंतरी दवई दुकान ले मरीज मन के बाचिस 5.09 करोड़ रुपिया
7.30 करोड़ रुपिया के दवई मिलिस 2.21 करोड़ म
रायगढ़ जिला अस्पताल म एकेच महीना म बेचइस 10 लाख के दवई
शासन के योजना ले लोगन मन ल मिलत हे बड़ आर्थिक राहत
रायगढ़, घर के तिर म अउ सस्ता स्वास्थ्य सेवा उपलब्ध कराए के उद्देश्य ले मुख्यमंत्री श्री भूपेश बघेल के पहल म छत्तीसगढ़ शासन ह कतको कन जनहितैषी योजना चलावत हे। उही म से एक हे धन्वंतरी जेनेरिक दवा दुकान योजना। जिहां 70 प्रतिशत छूट के संग सस्ता दर म लोगन मन ल दवई मिलत हे। धन्वंतरी जेनेरिक दवई दुकान ले सस्ता दवई के बेचरि के मामला म रायगढ़ नगर निगम पूरा प्रदेश म अव्वल चलत हे।
        रायगढ़ म धन्वंतरी जेनेरिक मेडिकल स्टोर ले लोगन मन ल बड़ राहत मिलिस हे। इहां 70 प्रतिशत छूट के साथ दवइ मिलत हे। अभी तक रायगढ़ निगम क्षेत्र के धनवंतरी दवई दुकान म से एमआरपी के हिसाब ले देखें जाए त लगभग 7 करोड़ 30 लाख के दवइ के बेचरि हो गए हे। जे ह 70 प्रतिशत छूट के संग 2.21 करोड़ रुपिया ले परिस हे अउ लोगन मन के 5.09 करोड़ के बचत होइस हे। प्रदेश के जम्मो नगरीय निकाय म ये दवई दुकान संचालित हे। जेमा से नगरीय निकाय के जनसंख्या के मामला म रायगढ़ के धन्वंतरी जेनेरिक दवई दुकान ह पूरा छत्तीसगढ़ म सबले आघू हे।
Success Stories
Neha Rathore