रायगढ़, पुसौर विकासखण्ड के ग्राम-केनसरा म बर पेंड के छॉव तरी आदर्श गौठान के अड़बड़ मनोरम दृश्य दिखाई देवत हे। ग्रामीण परिवेश ल जमीनी स्तर म मजबूत बनाए के दिशा म ये प्रभावी कदम हे, जेखर से गांव मन के तस्वीर बदलत हे। साढ़े तीन एकड़ म बने ए आदर्श गौठान म गाय अउ मवेशी मन ल चारा पानी मिलत हे। उन्हें एखर रख-रखाव अउ देखरेख बर गांव वाले मन अड़बड़ उत्साहित अउ प्रसन्न नजर आत हें। मवेशी मन ल संरक्षण मिले हे अऊ उंखर देखभाल तको होही।
महिला स्व-सहायता समूह के महिला मन ल खाद निर्माण बर प्रशिक्षण देहे गए हे। साढ़े 6 एकड़ म चारागाह विकसित करे जात हे। वर्मी बेड अउ नाडेप टेंक बनाये जात हे। महिला स्व-सहायता समूह बर वर्किंग शेड अउ बीमार मवेशी मन बर शेड बनाये जात हे। कैटल प्रोटेक्शन ट्रैंच (सीपीटी) अउ वाटर एब्जार्बिंग टैंरच डब्ल्यूएटी बनके पूरा हो गे हे। डब्ल्यूएटी के माध्यम ले पानी सोखे अउ जल स्तर बढ़ाए बर काम करे जात हे। सोलर पेनल पानी बर लगाइये जा चुके हे। फेसिंग के काम शुरू कर दे गए हे। गांव के श्री सुशील भोय ह बताइस कि मुख्यमंत्री श्री भूपेश बघेल के आदर्श गौठान के ये योजना मूर्त रूप लेवत हे। ए योजना ले जमीनी स्तर म गांव के विकास होवत हे अऊ अधिकारी मन के इहां आए ले कई समस्या मन के समाधान मिले हे। गांव के श्री संतोष साव ह कहिस कि एके जगा म पशु मन के चारा-पानी मिल जाये ले बहुत सुविधा होही।
