– मुख्यमंत्री श्री भूपेश बघेल किहिस कि कि भेंट-मुलाकात अभियान के तहत काली मेहा राजिम विधानसभा क्षेत्र के छुरा, फिंगेश्वर अउ राजिम म लोगन मन से भेंट मुलाकात करेव।
– आप मन जानत ही होहू कि मेहा शासन के योजना मन के प्रत्यक्ष फीडबैक ले बर प्रदेश के सब्बो विधानसभा क्षेत्र मन के दौरा करत हवाव। अब तक लगभग 50 विधानसभा क्षेत्र मन के दौरा पूरा हो चुका हवय।
– राजिम विधानसभा क्षेत्र के भ्रमण के दौरान मेहा ये बात ला प्रत्यक्ष रूप से देखें हों कि हमार न्याय योजना मन से लोगन मन के जीवन में बहुत बदलाव आये हे। ऊंखर जीवन स्तर ऊंचा उठे हवय।
मुख्यमंत्री हा कीहिस कि गरियाबंद जिला बहुत ही सुंदर जिला हे। ये जिले म पर्यटन के विकास के अपार संभावना हवय। इंहा पर्यटन ला बढ़ावा दे बर हमार सरकार लगातार काम करत हवय।
राम वन गमन पर्यटन परिपथ म जेन 9 स्थान मन के चिन्हित करके विकसित करे जात हे, ओमे राजिम घलो शामिल हे। राजिम म पर्यटक मन के सुविधा बर अधोसंरचना विकसित करे जात हे। राजिम मेला ला घलो व्यवस्थित स्वरूप दे बर काम करे जात हे।
– मुख्यमंत्री श्री बघेल हा किहिस कि हमन अपन योजन मन बर लगातार विस्तार करत हन, ऐखर से हितग्राही मन के संख्या लगातार बढ़त हे।
– राजीव गांधी किसान न्याय योजना के लाभ अब खरीफ के सब्बो फसल, उद्यानिकी फसल अउ वृक्षारोपण करत किसान ला घलो मिलत हे।
– राज्य म कोदो-कुटकी-रागी के समर्थन मूल्य घोषित करे के साथ- साथ हमन ये फसल मन के खरीदी के व्यवस्था घलो सुनिश्चित करे हे।
