मुख्यमंत्री श्री भूपेश बघेल
मुख्यमंत्री श्री भूपेश बघेल अपन प्रदेशव्यापी भेंट-मुलाकात कार्यक्रम के दौरान महासमुंद जिला के सरायपाली विधासनसभा क्षेत्र के दौरे म हवय। मुख्यमंत्री श्री भूपेश बघेल हा काली सरायपाली के ग्राम बलौदा अउ बसना के ग्राम भंवरपुर म आम जनता से भेंट मुलाकात करीस अउ राज्य शासन के योजना मन के क्रियान्वयन के जानकारी लीस।
ये दौरान मुख्यमंत्री श्री भूपेश बघेल हा आज सरायपाली विधानसभा क्षेत्र म 28 करोड़ 65 लाख 05 हजार रुपए के विकास कार्य मन के लोकार्पण अउ भूमिपूजन करीस। ऐमे 23 करोड़ 62 लाख 94 हजार रुपए के 29 कार्य मन के भूमिपूजन अउ 5 करोड़ दो लाख 11 हजार रुपए के 15 कार्य मन के लोकार्पण शामिल हवय।
भूमिपूजन म नवीन सड़क निर्माण, पुल-पुलिया, नया विश्राम गृह निर्माण अउ महाविद्यालय म अतिरिक्त कक्ष निर्माण आदि कार्य शामिल हे। लोकार्पण कार्य मन म स्कूल म आहता निर्माण, रंगमंच निर्माण, सी.सी. रोड, सामुदायिक भवन, तालाब म पचरी निर्माण, सामुदायिक भवन निर्माण आदि शामिल हवय।
