रायपुर : मुख्यमंत्री ह डॉ. गीतेश अमरोहित के पुस्तक ‘बासी‘ के करिस विमोचन

रायपुर, नेहा राठौर के खबर/ मुख्यमंत्री श्री भूपेश बघेल ह आज इहां अपन निवास कार्यालय म डॉ. गीतेश कुमार अमरोहित के पुस्तक-‘बासी‘ के विमोचन करिस। मुख्यमंत्री ल डॉ. गीतेश अमरोहित ह बतइस कि बासी छत्तीसगढ़ के लोक संस्कृति के अभिन्न अंग हरे। पिछला बाछर हमर प्रदेश के संग विदेश म घलो बोरे बासी दिवस एकदम उल्लास के संग मनाय गय रहिस हे। ए आयोजन ले प्रेरित होके ओला बासी म किताब लिखे के विचार आइस। ए पुस्तक म बासी ले संबंधित कतको जानकारि हवय जईसे- बासी बनाए के विधि, बासी के पोषक तत्व, बासी खाए ले बीमारि म होए वाले लाभ, छत्तीसगढ़ के लोक जीवन म बासी के महत्व समेत बासी की अऊ कई ठ विशेषता के संकलन करे गए हे। पउर साल बोरे बासी दिवस ल विदेश म घलो मनाया गय रहिस हे,जेकर विषय म भी जानकारी किताब म दीए गय हे। मुख्यमंत्री श्री बघेल ह डॉ गीतेश अमरोहित ल किताब के प्रकाशन ब बधाई दीस। ए अवसर म श्री आकाश माहेश्वरी अउ श्री आशीष राज सिंह समेत अऊ लोगन मन ह उपस्थित रहिस हे।
neha rathore