- प्रदेश के 10 हजार ले जादा ग्राम पंचायत मन म ले 5409 ग्राम पंचायत मन म गौठान के मंजूरी
1929 गौठान के निर्माण पूरा
रायपुर, 22 अप्रैल 2020। छत्तीसगढ़ म गांव वाले मन ल अब जियो टैगिंग के माध्यम ले नजदीकी गौठान के सटीक जानकारी मिल सकही। प्रदेश म गौठान मन के जियो टैगिंग के काम युद्ध स्तर म करे जात हे। अभी हाल म 3350 गौठान के जियो टैगिंग होवइया हे। एखर से गांव वाले मन बर अपन पशु के नजदीकी गौठान म व्यस्थापन करे म बने सहूलियत होही। जियो टैगिंग करे ले न सिरिफ गौठान के लोकेशन के जानकारी मिलही भलुक पशु मन के कृत्रिम गर्भाधान अऊ बधियाकरण जइसे काम बर पशु पालक अऊ पशु पालन विभाग ल घलोक आसानी होही।
प्रदेश के गौठान मन के सटीक स्थिति जाने बर विभागीय वेबसाइट http://nggb.cg.nic.in म जियो टैगिंग गौठान बटन दबाय म नक्शा म गौठान के स्थिति अउ फोटो के जानकारी प्राप्त करे जा सकत हे। गौठानों के जियो टैग के काम पशुधन विकास विभाग के कर्मचारी मन गौठान के जगा म भौतिक रूप से पहुंच के मोबाइल एप्लीकेशन के उपयोग करके अक्षांश अउ देशांतर अंकित करे जात हे।
