रायपुर म बनही देश के एवीएशन हब

मुख्यमंत्री श्री भूपेश बघेल ह आज नई दिल्ली म केंद्रीय नागरिक उड्डयन मंत्री ले करिन मुलाकात

रायपुर, छत्तीसगढ़ के मुख्यमंत्री श्री भूपेश बघेल ह आज नई दिल्ली म केंद्रीय नागरिक उड्डयन मंत्री श्री हरदीप पुरी ले मुलाकात करके रायपुर ल ‘एवीएशन हब‘ बनाए के आग्रह करिन हे। उमन केंद्रीय मंत्री के ध्यान आकृष्ट करात कहिन कि रायपुर भौगोलिक दृष्टि ले देश के सबो दिशा ले जुड़े हे। अभी हाले म देश के प्रमुख 11 नगर मन ले रायपुर के सीधा संपर्क हे अऊ रोजेच 24 उड़ान रायपुर एयरपोर्ट ले संचालित होत हे। उमन केंद्र सरकार ले रायपुर ल एविएशन हब घोषित करके एखर बर जरूरी बजटीय प्रावधान करे के मांग करिन।

श्री बघेल ह कहिन कि रायपुर एयरपोर्ट देश म एक धूरी के जइसे हे। ये 6 पड़ोसी राज्य मन ले जुड़े हे। हालेच म एला आधुनिकतम करे गए हे। केंद्रीय मंत्री ह मुख्यमंत्री के बात ल गंभीरता ले सुनत ओ मन ल हर संभव मदद के आश्वासन दीन। मुख्यमंत्री श्री बघेल ह बिलासपुर अऊ जगदलपुर ले उड़ान सेवा चालू करे के बात म केंद्रीय मंत्री ह बताइस कि, ए संबंध म काम प्रगति म हे अऊ नवम्बर-दिसम्बर तक जगदलपुर ले विमान सेवा चालू हो जाही।

लउछरहा..